#Mohammed_Cha | PRO CODES

#Mohammed_Cha

Hits: 2

[05:44, 15/01/2020] 😋: السلام عليكم الدراري .. 😊

اول بلان هو انه المنشورات ديال السلسلة كلهم غايكون تحت هاد الهشاطاغات

#Re_Skinning
#Mohammed_Cha
#Moroccan_Adsense_Fuckers

و الخلاص ديال اي لعبة وريتها ليك .. هو انه تشاركها مع الناس بالمجان كيفما شاركتها معاك بالمجان ..

هدا .. و نبداو على بركة الله ..

و اول بوسط .. غايكون على اماكن الاعلانات في الموقع ديالك

يصحاب ليك غانقول ليك سير جرب بزاف باش تعرف فين الاماكن لي خدامين مزيان و تخليهم فيهم ؟؟ هههه .. الناس مزال عايشة في 2002 هههههههههه

 

لا لا لا … 😎

غادي يخصنا نعرفو بنادم فين تاينقر ..
يعني نعطيوه الموقع ديالنا خاوي من الاعلانات .. و نقولو ليه ورينا ا سيدي فين بغيتي تنقر ؟
من يورينا فين تاينقر .. نحطو ليه ادسنس تما باش ينقر عليه هههه .. 😆
لانه غادي تكبر نسبة الاحتمالات انه ينقر على الاشهار ديالنا …

و ما غادينش نعرفو غير فين تايتقر فقط !!!غادي تتبع جميع تحركات الـ MOUSE
غاتعرف حتى شحال من واحد بالضبط نقر .. عدد الـ CLICK و فين بالضبط و شحال من نقرة في كل مكان ..

و فين تايحرك الماوس .. فين كان واقف الماوس من عاد تحل الموقع .. فين تحرك .. فين رجع .. بالاعداد بالضبط ..

و فين الاماكن لي تاثير الانتباه ديال الزائر ATTENTION و تايوقف عندها بزاف ..و تايشوف فيها بزاف ..

وحتى الاماكن لي تايوصل ليهم من تايبدا نازل في الصفحة ديال الموقع SCROLL و كل مكان و شحال العدد ديال الزوار لي وصلو ليه بالضبط و بالنسبة المئوية ..

عاد زيد عليها فين المكان لي تايوصل ليه الزائر عاد تايغير الصفحة او يخرج من الموقع LEAVE و بالاعداد

يعني بحال نقولو انت غادي تكون مع اي يوزر دخل للموقع و تاتفرج فيه فين مشى و اشنو دار .. و كيفاش حتى نقر تم و شحال من واحد نقر في اي مكان او حرك الماوس في اي مكان ..

الصغيرة و الكبيرة .. الشادة و الفادة ..

هههههههه و هادشي كــــــــــــــــامل بالمجان 10000% ..
الصدمــــــــــــــــــة و يــــــاكمــــــا هههههههه

 

✅ المهم ندوزو للمعقول .. الشرح ..

غادي نشرح كيفاش تديرو هادشي في ووردبريس و بلوغلر و اي موقع او صفحة كيفما كان نوعه ..
البلان اسمه هو الـ Heatmap هدا حو الحل الجدري بالنسبة لموضوع اماكن الاعلانات .. هاد البلان هو عبارة على خريطة ديال الموقع ديالك او كل صفحة و بوحدها (صورة) .. فيها كل المعلومات على اي حركة كبيرة او صغيرة في الموقع ديالك .. داكشي مصور يعني مرسوم قدامك كيفما في الصورة لي لتحت .. ماشي جداول .. و قوت صداع الراس ..

و الموقع لي غادي نشارك معاكم انا .. غــــــــــــــــابر ديال بصح ..

اصلو من الـ Japon الشقيقة ههههههههه
تايعطيك تتبع 1000 صفحة في الموقع ديالك بالمجان ..
و الصفحات تايتزادو فيه اوطوماتيك .. لي دخل ليها الترافيك .. تايولي عاس عليها
ويمكن ان تربطو مع analytics ديالك .. غادي يعطيك حتى خريطة ديال الكيووردات .. ولكن بلاش .. جربتو فاش عاد عرفتو غير بحسابات تجريبية ديالي مع اناليتكس .. ما كينش شي احصائيات لي واعرين زعما ..
ولكن الجميل في الامر هو انه ممكن تتبع حتى الحركة ديال الزوار من و في الموبايل و الحاسوب و في نفس الوقت ..
و كيف قلنا .. هاد السرفيس ديال HeatMap راه غالي شوية ..
كاين غير 150$ و لفوق للشهر و هادشي فيه غير شي صفحات قلال و محدود ..
اما هاد الموقع لي غادي نشاركو معاك ..
ما عمرو خطاني من 2011 .. فــــابور ..

———————————————————-

⚠ بالنسبة لطريقة التركيب و الاستعمال ..
اول شيء عليك تعرفو هو انه خاك في الاول ما تكونش داير الاعلانات حتى تشوف في غاينقرو الزوار ..
عاد سير انت لصق ليهم الاشهار فين تاينقرو .. و شوف الاحصائيات في الموبايل و الحاسوب بزوج .. و دير بحسابهم بزوج..

 

✅ ندوزو WORDPRESS هو الاول ..

1⃣ انسطالي بلوغن اسمو UserHeat و الرابط ديالو هو هدا
الرابط : http://bit.ly/39ZUg2p

2⃣ فتح حساب في هاد الموقع ديالهم الرابط ديالو هو هدا
الرابط : http://bit.ly/2FOOiU5

3⃣ خود الـ ID ديالك من الموقع

4⃣ حطو في الـ Plugin في داشبورد ديال وردبريس .. و دير Save

و الف مبروك .. دخل للموقع و تبع داكشي لي قلنا كامل و فابور

———————————————————-

✅ ندوزو BLOGGER و اي موقع اخر كيفما كان نوعه ..
حتى ورد بريس ممكن تخدم فيه الموقع بدون Plugin غير بهاد الطريقة :

1⃣ خود الكود لي عطاوك في الموقع ديال UserHeat من بعد ما تسجلتي في الموقع ديالهم
الرابط ديالو هو هدا
الرابط : http://bit.ly/2FOOiU5

2⃣ سير للموقع ديالك تحط الكود لفوق في الـ Header ديال الموقع ..
طبعا تاتحل الكود ديال الموقع عاد تحط فيه الكود ديال الـ UserHeat ..
بحال لي تادير مع ادسنس و الطبقة بالضبط .. و من بعد تمشي للموقع وتتبع النقرات و المسائل ديالك ..

و الف مبروك .. دخل للموقع و تبع داكشي لي قلنا كامل و فابور

———————————————————-

اخر مشكل ممكن تتكلم عليه في حياتك من تاريخ هاد اليوم السعيد هو ..
فين نوضع الاشهارات .. ههههههههههههه

و مــــا غايدي يجي يفهم عليك حتى فاهم .. و يقول ليك شي بلا بلا خاوية ..
لانك انت تاتشوف بعينك .. ماشي تاتسمع من واحد شاف بعينو ههههه
الصور لي لتحت .. وحدة ديال الحركة ديال الماوس و الاخرة ديال النقرات فين .. في الحاسوب ..

و تانكرر .. راه فيه حتى الموبايل لانه مهم جدا اكثر من الديسكطوب هههه

و هادشي راه عاد بدينا السلسلة تحت اسم Moroccan Adsense Fuckers هههههه 😈

شارك المنشور .. و تسنى المنشور لي من وراه ان شاء الله

الله ولي التوفيق 🙏

يتبع ..

#Re_Skinning
#Mohammed_Cha
#Moroccan_Adsense_Fuckers
[05:44, 15/01/2020] 😋: السلام عليكم الدراري .. 😁

.. بان ليا حتى واحد مـــا غايشرح كيفاش تتحكم في CTR .. 😅
ربما مـــا عارفينش كيف قلنا .. و ربما باغين يبيعو .. هههه
و منه فانه .. بلا مانزيد نتسنى ههههه .. العربون واضح و باين ..

موضوع اليوم هو كيفاش تتحكم في CTR و تحمي حسابك من الـ Click Bombing .. يعني الاغلاق المباشر ههههه

زوج عصافير .. بحجرة وحدة نعاماســــ ههههه

اول بلان ادا عقلتو على الفيديو لي شاركت معاكم وصلت فيه CTR 950%
و تانوصل حتال 1400% في CTR ههههههه
ولكن داكشي بحال ادا تايبدا يخرج على السيطرة ..
يعني تقدر تجيب الربحة .. و يسدو ليك الحساب ..
تايحسبو داكشي invalid click و يمكن يكون هو السبب في اغلاق الحساب ديالك ..

نتعمقو اكثر في الموضوع ..

كيفما تانعرفو الـ CTR هو عدد النقرات لي جبتي من مجموع الزيارات ..
مثلا جاوك 10 زيارات .. جبتي منهم 1 نقرة .. يعني CTR ديالك هو 10%
كيفاش درنا ليها ؟

CTR = 1 / 10 x 100 = 10%

ادا الـ CTR هو النسبة المئوية ديال عدد النقرات لي جبتي من مجموع الزيارات ..
لي تايتحسب عن طريق القسمة ديال مجموع النقرات لي جبتي على عدد الزيارات .. مضروب في 100 باش يعطينا نسبة مئوية ..

هادا من باب ..

————————————————————

دابا غادين ناخدو مثال ..

من قلت ليكم تانوصل 950% ديال CTR ..
يعني ميساج واحد لي خاصك تكون فهمتي ..
هو انه المتوسط لي عندي هو كل زائر دخل للموقع .. تاينقر ليا 9 نقرات و نصف هههههههه عاد تايخرج من الموقع ..

ادا كان عندك CTR يساوي 100% فهدا يعني انه اي زائر دخل للموقع ديالك تاينقر نقرة واحدة ..
يعني كل زيارة تاتجيب 1 نقرة ..

و من بديت تانحلل البيانات بمجموعة من وسائل التتبع و في مجموعة من النتشات و المواقع .. تانلقى بانه الزوار نوعان ..

1. النوع الاول تايبنقر بزاااااااااف …
2. النوع الثاني ماتاينقرش بمرة هههههه

المشكل عندنا مع دوك لي تانقرو باف المرات على الاعلانات ..
لانه من تما منين تايجي الكلام على البوت و السدان …
لانه تاينقر ديالو و ديال لي ما نقروش ههههههههه ..

مثلا عندك 100 زائر .. غير 20 لي نقرو .. ولكن كل واحد فيهم نقر 8 المرات ..
يعني من 100 زيارة انت جبتي … 20 x 8
يعني جبتي 160 نقرة ..
ادا الـ CTR ديالك في هاد اللحظة هو 160% هههههههههه

البوت بينو و بين راسو في هاد الحالة .. غادي طيح ليه علامة استفهام كبيرة فوق راسو !!
وايـــــــــــــــــــــلي !! .. هاد خونا اشنو داير في الموقع باش يجيب 9 النقرات من عند كل زائر ..
و بما انه البوت ديال غوغل نيتو خــــــــــــايبة و مـــوووسخة و مــــــا صافياش ..
تايقول هدا مايكون غير سبام هدا …
و تايتقلق .. و ادا تقلق عليك البوت ديال غوغل ..
ما بقا ليك غير تقول ياربي مايسدوهش ليا ههههههه

————————————————————

الملخص المفيد .. الحل لقيتو من بعد 3 اشهر ديال التجارب .. 😎
هو في انه نتحكم في دوك الناس لي تاينقرو بزاف ..
كيفاش ؟
ا سيدي .. نخليه ينقر غير عدد محدود ديال الاشهارات ..

مثلا .. ادا نقر على الاشهار 3 المرات .. يختفي الاشهار مدة ديال 24 ساعة هههههه اوطوماتيك .. 😈

حل جدري هههه .. دقة و مطرقة ..
منها تاتحكم في الـ CTR و منها تاتحميو الحساب ديالكم من الـ Click Bombing ..

الـ Click Bombing :

هو عملية وسخة هههه تايديروها ليك المنافسين ديالك باش يتسد ليك ادسنس ديالك و تاتحطم معنويا و تبدا تخوي ليهم الملعب فين يلعبوه هوما اكثر .. هههههههه
هاد العملية ممكن تدار يديويا .. يعني يمشي واحد لادسنس ديالك ..
او يخسر غليك غير Bot .. يبقى ينقر لخويا حتى يقول ادسنس وداعا و هو مزال غير تاينقر هههههههههههههه ..

في هاد المنشور .. غادين نطرقو فقط للتحكم في CRT و الحماية من الـ Click Bombing ولكن في المنشور لي من بعد هدا غادين نتكلمو على الحماية من الـ Bot ..

————————————————————

دابا ندوزو لصلب الموضوع ..
الطريقة لي غادين نتحكمو بيها في الـ CTR هيا انه بعد عدد من النقرات ..
يختفي ادسنس مدة معينة ..
و يرجع يظهر عادي بعد المدة المحددة ..
ودلك من اجل انه نحدو من عدد النقرات و ينزل CTR و مايفوتش الحدود لي حنا باغينها ..

————————————————————

دابا غادي ندوزو لطريقة الاستعمال ..

غادي نعطيكم بلوغن ديال وردبريس ..

✅ الرابط ديالو هو هدا : http://bit.ly/3abw4dN
دير ليه Install .. دخل للاعدادت ديالو ..

و غادي تقدر تتحكم في هادشي لي قلنا كـــامل ..
مثلا .. 3 النقرات .. هو الحد الاقصى .. من بعد يختفي الاعلان ..
و ادا نقر اي شخص 3 نقرات .. يختفي ليه الاعلان 24 ساعة مثلا ..
و غادي تاخد اي اعلان ديالك في الموقع ..

تحطو بحال هاد الشكل

<div id=”cbprotect” >
code adsense dialk 7oto hna
</div>

الناس ديال الـ HTML راكم عارفين هههه
غادير Division الـ ID ديالها هو cbprotect
هههه … خليونا نشرحو للناس لي ما عارفينش ..

تاتحط الكود ديال الاعلانات ديالك بين هادو زوج اسطر

الكود الاول هو : <div id=”cbprotect” >
من بعد وضع الكود ديال الاعلان ادسنس ديالك هنا ..
الكود الثاني هو : </div>

عاد تاتاخد الكود كامل .. و توضعو في الموقع ديالك ..
الكود كامل يعني : الكود ديال الاشهار + الكود لي عطيتك هنا دير واحد لفوق و واحد لتحت كيفما شرحت لك ..

و اي صورة او رابط حطيتيه وسط هاداك الكود .. غادي ينطابقو عليه الاعدادات لي درتيهم من الداشبورد ديال البلوغن ..

————————————————————

بهدا غادي تقدر تسيطر على الـ CTR ديالك بنسبة 100% و بدو تعب و عناء ..

و حتى ادا كان شي واحد نيتو خايبة و باغي يسد ليك ادسنس ..
غادي يتصدم من بعد 3 النقرات مثلا .. لانه الاشهار غير ههههههههههههههههه
خاصو يغير ال IP ديالو .. و ينقر 3 النقرات ..
ادا ولا مربح ليا هدا ادا عمل كل 3 النقرات بـ IP مختلف هههه
غير بالفن يولي خدام معــــــــاك ههههههه 🤩

هدا .. و مزال غادي نتكلم ليكم على الحماية من الـ Bot و حتى نوع الاعلانات و كيفاش تحكمو فيهم .. و المزيــــــــــــــــــــــد … 😍

شارك المنشور مع عشرانك .. و تسنى المنشور لي من وره ..

غايكون اكثر منو .. حنا مزال غير في المنشور الثاني من سلسلة Moroccan Adsense Fuckers

————————————————————

و اخيرا .. واش الفهايمية ؟؟ ههههههههههه .. 😅
تعلمو و ديو ما تعاودو في الدورات ديالكم ههههه 🤣

————————————————————

و السلام عليكم .. 🙏

يتبع ..

#Re_Skinning
#Mohammed_Cha
#Moroccan_Adsense_Fuckers

Back to top button